آراء طلابنا

أول حاجة حابب أشكر حضرتك يا باشمهندس على اهتمامك وعلى الكورس، بجد هو كورس ممتاز فيه كل الخلاصة. أنا سمعت كورسات كتير بتتكلم في حاجات كتير لكن ما بتديش الخلاصة والمفيد، لكن الكورس بتاع حضرتك باختصار هو في قلب وخلاصة الموضوع اللي كل متداول محتاجه. كمان المتابعة بتاعت حضرتك ممتازة، حضرتك كنت قايل خلال ثلاث شهور الكورس وأنا حاليًا لحد الآن داخل في سبع شهور وحضرتك لسه بتتابع معايا ما سبتنيش، سواء في كورس الباينري أوبشن أو في الفوركس بتتابع معايا في كل خطوة. بجد شكرًا كمان على التوصيات اللي حضرتك بتقدمها، أنا اشتغلت عليها في التجريبي قبل ما أشحن وكمان جربتها في الحساب الحقيقي، بجد فيها مكسب ونسبة المخاطرة بتاعتها مش عالية. ثقة ومصداقية في كل توصية وفي كل متابعة، شكرًا على قلبك الحلو ربنا يباركك ومن مجد لمجد.

أنا حابب أشكر حضرتك جدًا على الكورس، بجد أنا كشخص أصلًا بيشتغل في المجال الطبي كان صعب في نظري إني أدخل وأفهم موضوع التداول والفوركس، لكن الصراحة المحاضرات كانت أسلوبها سهل وبسيط وكمان التدريبات اللي في آخر كل محاضرة كانت مناسبة جدًا ليا. وأنا كنت حابب أشكر حضرتك جدًا كمان على إجاباتك ليا على كل أسئلتي والمشاركات اليومية اللي شجعتني أكتر وأكتر، وبالذات كمان اللايف كل يوم سبت. بجد شكرًا جدًا على المجهود الرائع ده.

بشكر حضرتك جدًا لتعبك في كورس التداول، كان وقت رائع جدًا. تقديم الكورس رائع جدًا والشرح بطريقة بسيطة وممنهج جدًا. الشرح وتعليم حضرتك هو اللي حبّبني في التداول، وحضرتك كنت ممتاز جدًا في المتابعة معايا وبتشجعنا دائمًا. ملحوظة شخصية عنّي: أنا كنت لا أثق في التداول، ولكن بعد ما حضرتك كلمتني وأخذت الكورس عرفت كم إن حضرتك أمين جدًا جدًا.

الحقيقة الكورس نقطة بداية كويسة جدًا للشخص المبتدئ اللي مش عنده أي خبرة في المجال. فعلًا الكورس بيقدم قدر كافي من المعلومات تخلي الشخص قادر يحدد إمكانياته إذا يقدر يكمل في المجال ولا لأ. كمان المتابعة الدورية عن تجربة لا تقل أهمية عن المحاضرات المشروحة من حيث التطبيق العملي وبعض النقاط التكميلية اللي بتوضح أكتر على أرض الواقع. وقت التدريب على الديمو مش بس كنا بنطبق المعلومات الخاصة بالتحليل، لكن كمان مناقشة المشاعر المصاحبة للعملية ككل من توتر أو مضايقة أو اندفاع في أوقات أو صدمة من تقلبات — كلها كانت أمور بيتم مناقشتها أثناء المتابعة وده كله طبعًا له تأثير على إدارة رأس المال لما الشخص يبدأ يدخل بفلوس حقيقية. فعلًا أنا بشوف إن الكورس ده نواة كويسة جدًا ينفع يتبني عليها تاني والشخص يطور نفسه أكتر، لكن هيبقى متأكد إنه واخد معلومات نضيفة ومنقحة بدون ما يتوه بين آراء ومعلومات كتيرة ممكن تكون مغلوطة أو مش كاملة في المجال ده.

عجبني في الكورس إننا واخدين راحتنا في المناقشة والتفاهم وبنتحرك براحة في المجال بدون استعجال أو سرعة وكأنه علينا واجب لازم يخلص، وده بيخلي الشخص بياخد قراراته بهدوء مش حاسس إنه مدفوع بسرعة عشان يدخل بفلوس. معظم الدعاية اللي بتتعمل للكورسات في المجال ده بيبقى التركيز يلّا ادخل بفلوس عشان تلحق تجمع مكسب سريع، ولكن الجميل في الكورس ده مش بيفرش البحر طحينة زي ما بيحصل بره، لكن فعلًا بيوضح الأمر على أرض الواقع بكل حرص إزاي تتعمل والتركيز أكتر على اكتساب المعلومة والمهارة اللي لو الشخص استخدمها صح يقدر يحدد المكسب اللي هو عايز يوصله واحدة واحدة.